Kina tha të hënën se një armëpushim midis Rusisë dhe Ukrainës është një "hap i domosdoshëm" drejt arritjes së paqes.

Kjo erdhi pasi armëpushimi 30-orësh i njëanshëm i Pashkëve i shpallur nga presidenti rus Vladimir Putin skadoi mesnatën e së hënës pa shtyrje. Rusia dhe Ukraina akuzuan njëra-tjetrën për shkelje të armëpushimit që nga fillimi i tij.

“Kina mirëpret të gjitha përpjekjet për një armëpushim”, u tha gazetarëve në Pekin zëdhënësi i Ministrisë së Jashtme Guo Jiakun. 

"Është një hap i domosdoshëm drejt arritjes së paqes," tha Guo, raportoi media shtetërore.

“Shpresojmë që të gjitha palët relevante të vazhdojnë ta zgjidhin krizën përmes dialogut dhe negociatave”, shtoi Guo.

Presidenti ukrainas Volodymyr Zelenskyy i ka propozuar Rusisë një ndalesë 30-ditore të sulmeve ndaj infrastrukturës civile.