Irani njoftoi të mërkurën se ka rënë dakord për një vizitë të një ekipi teknik nga Agjencia Ndërkombëtare për Energjinë Atomike (IAEA) në kryeqytetin Teheran.

“Irani ka pranuar vizitën e ekipit teknik të Agjencisë Ndërkombëtare për Energjinë Atomike (IAEA) në Teheran brenda dy deri në tre javëve të ardhshme, por ata nuk do të vizitojnë objektet bërthamore të Iranit”, bëri të ditur zëvendësministri i Jashtëm Kazem Gharibabadi, në një deklaratë të transmetuar nga agjencia e lajmeve Mehr.

Gjatë kësaj vizite do të diskutohet kuadri i bashkëpunimit të Iranit me agjencinë bërthamore të OKB-së në kushtet e reja, shtoi Gharibabadi.