Türkiyədən üç əsər və bir replik hazırda Romada keçirilən yeni sərgidə nümayiş olunur. Bu barədə Türkiyə Mədəniyyət və Turizm Nazirliyinin Mədəni İrs və Muzeylər Baş İdarəsi iyunun 7-də məlumat verib.

  Kibele – Roma, Tunis və Aralıq dənizi arasında “Magna Mater İdaea” (Tanrıların böyük anası) sərgisi 6 iyunda açılıb. Sərgi İtaliya Kolizey Arxeoloji Park İdarəsi ilə Tunis Milli İrs İnstitutunun əməkdaşlığı çərçivəsində təşkil olunub.

  Hər il milyonlarla qonağı qəbul edən bu beynəlxalq sərgi məkanında Türkiyə əsərlərinin nümayişi İtaliya ilə qədimdən gələn əlaqələrinin gücləndirilməsi baxımından əhəmiyyətlidir.

  Tunisdəki qədim Zama şəhərindən tapılmış əşyalarla yanaşı, sərgidə ümumilikdə 92 əsər göstərilir. Bunlara İtaliyadakı muzeylərdən 30, Vatikandan 3, Yunanıstandan 4, ABŞ-dan 2, Almaniya və Danimarkanın hər birindən 1, Bolqarıstandan 5 və Belçikadan 10 əsər daxildir.

  Sərgi 2025-ci ilin 5 noyabr tarixinədək açıq olacaq.