Sipas urdhrit, i publikuar të enjten, individët që “kampojnë në rrugë dhe shkaktojnë çrregullime publike” do të mund të dërgohen në institucione për trajtim afatgjatë, në përpjekje për të rikthyer rendin publik. Administrata e Trump-it e përshkruan situatën aktuale si një krizë të “endacakërisë endemike, sjelljes së çrregullt dhe sulmeve të dhunshme”.

Në kuadër të këtij urdhri, Prokurorja e Përgjithshme Pam Bondi është ngarkuar të sfidojë vendime gjyqësore ekzistuese që ndalojnë autoritetet të ndërhyjnë ndaj individëve që paraqesin rrezik për veten ose të tjerët. Ajo do të bashkëpunojë me sekretarët e Shëndetësisë, Shërbimeve Njerëzore, Strehimit dhe Zhvillimit Urban, si dhe Transportit, për të përcaktuar përparësitë e financimeve federale për komunitetet që zbatojnë rregullat kundër kampingut urban, përdorimit të drogës në vende publike dhe hyrjes së paautorizuar në ndërtesa.

Sipas Shtëpisë së Bardhë, shumica e të pastrehëve përballen me varësi nga substancat narkotike, probleme të shëndetit mendor ose të dyja, duke e bërë të domosdoshme një qasje më institucionale dhe ndërhyrëse.