Gjatë një konference për shtyp në Kiev të enjten, Zelenskyy deklaroi: "Më në fund kemi marrë informacione se Kina po furnizon Federatën Ruse me armë", duke shtuar se informacioni për barutin dhe artilerinë erdhi nga agjencitë e inteligjencës, sipas Ukrainska Pravda.

Zëdhënësi i Ministrisë së Jashtme kineze, Lin Jian, tha se "Kina kundërshton fort akuzat e pabazuara dhe manipulimin politik", duke theksuar se Kievi është i vetëdijshëm se Pekini "nuk ka furnizuar kurrë me armë vdekjeprurëse asnjë palë të përfshirë në konflikt dhe kontrollon rreptësisht eksportet e pajisjeve me përdorim të dyfishtë", sipas Global Times.

Lin shtoi gjithashtu: "Ukraina e di shumë mirë këtë dhe e ka deklaruar publikisht se shumica e komponentëve të armëve të importuara nga Rusia vijnë nga ShBA-ja dhe vendet e tjera perëndimore."

Presidenti ukrainas gjithashtu akuzoi se "përfaqësues të Kinës janë të përfshirë në prodhimin e disa armëve në territorin rus."

Këto deklarata vijnë pas një tjetër pretendimi të Zelenskyt në fillim të këtij muaji, ku ai tha se të paktën 155 shtetas kinezë po luftojnë për ushtrinë ruse në Ukrainë dhe se dy prej tyre janë arrestuar në rajonin lindor të Donetskut.

Edhe ndaj këtyre deklaratave, Pekini reagoi duke i quajtur "të papërgjegjshme".