Ethiopia inasherehekea mwisho wa utawala wa uongozi wa Derg mnamo 1991.

Derg ilikuwa ikidhibiti nchi tangu 1974.

Kwa nchi hiyo iliyo katika pembe ya Afrika ni siku ambayo inaashiria ushindi wa uthabiti, umoja, na roho ya kudumu ya watu wa Ethiopia.

Mara tu baada ya Mfalme Haile Selassie kupinduliwa mnamo Septemba 1974, Kamati ya Kijeshi (inayojulikana kama Derg) ilianzishwa kutoka vitengo kadhaa vya Vikosi vya Wanajeshi vya Ethiopia.

Jenerali Aman Amdon alichaguliwa kuwa msemaji wa Derg na kutekeleza sera za nchi, ambazo zilijumuisha usambazaji wa ardhi kwa wakulima, kutaifisha viwanda na huduma chini ya umiliki wa umma na kuiongoza Ethiopia katika Ujamaa.

Derg ilipewa sifa kwa sera hizi ambazo mwanzoni zilipata kuungwa mkono na watu wengi kote nchini.

Awali Derg ilikuwa maarufu kufuatia mapinduzi dhidi ya Haile Selassie aliyeingia madarakani chini ya kauli mbiu ya "Ethiopia Kwanza," "Ardhi kwa wakulima" na "Demokrasia na Usawa kwa wote."

Derg haikuwa maarufu kwa sababu ya sera zake mbovu na mauaji ya watu wengi, ambayo yalisababisha mshtuko kote nchini.

Mnamo Januari na Februari 1975, serikali ilipanua juhudi zake za kutaifisha ili kujumuisha benki zote na mashirika ya bima, na pia kuchukua udhibiti wa karibu kila shirika kuu.

Kuanguka kwa uongozi wa Derg

Chama cha Ethiopian People’s Revolutionary Democratic Front (EPRDF), muungano wa pande mbalimbali za ukombozi wa Ethiopia, kilishinda jeshi la Derg na kuchukua udhibiti wa mji mkuu Addis Ababa.

Siku hiyo inaashiria ushindi wa watu dhidi ya udikteta dhalimu wa kijeshi wa Derg unaoongozwa na Mengistu Haile Mariam uliotawala Ethiopia kwa mkono wa chuma kwa miaka 17.

Kupinduliwa kwa Derg kulisababisha kuanzishwa kwa serikali mpya iliyoahidi mageuzi ya kidemokrasia na ujenzi wa kitaifa.