Ağır çəkidə boks üzrə ikiqat dünya çempionu, Olimpiya Oyunlarının qızıl mükafatçısı Corc Foreman vəfat edib. Məsələ ilə bağlı ailəsindən verilən açıqlamada Foremanın 76 yaşında dünyasını dəyişdiyi bildirilib.

Mərhumun rəsmi İnstaqram hesabında paylaşılan bəyanatda deyilir: "Sevimli Corc Edvard Foreman Sr-ın 21 mart 2025-ci ildə sevdiklərinin əhatəsində sükunət içində dünyasını dəyişdiyini dərin hüznlə bildiririk". Açıqlamanın dəvamında Foremanın təbliğatçı, ər, ata və baba kimi imanlı və nümunəvi bir həyat yaşadığı vurğulanıb.

Ailəsi Foremanın boks karyerasındakı uğurlarını və irsini yaşatmaq üçün səy göstərdiklərini bildiriblər.

Qeyd edək ki, Foreman 1968-ci ildə Olimpiya qızıl medalını qazanıb və 1973 ilə 1994-cü illərdə ikiqat ağır çəki üzrə çempion olub. Boksu tərk etdikdən sonra isə təbliğatçılığı və iş dünyasındaki fəaliyyətləri ilə tanınıb.