Presidenti rus Vladimir Putin i ka ofruar Ukrainës të dielën rifillimin e bisedimeve të drejtpërdrejta për paqe në Istanbul, duke nisur më 15 maj.

Në një konferencë për shtyp në Moskë, Putin tha se të hënën do të zhvillojë një telefonatë me Presidentin turk Recep Tayyip Erdoğan për t’i kërkuar ofrimin e një platforme për këto bisedime, me qëllim diskutimin e rrugëve drejt paqes me Ukrainën.

“Rusia është e gatshme të negociojë pa parakushte. Ka një luftë në zhvillim, dhe ne propozojmë rifillimin e negociatave. Ata që e duan vërtet paqen do ta mbështesin këtë nismë”, tha ai.

Putin shtoi se një armëpushim i ri mund të negociohet potencialisht në Istanbul.

“Propozimet tona janë në tryezë, dhe zgjedhja u takon autoriteteve ukrainase dhe mbështetësve të tyre”, theksoi ai.

Rusia dhe Ukraina zhvilluan bisedime në Istanbul në mars të vitit 2022 dhe ranë dakord për një projekt-marrëveshje paqeje.