Isra'ila ta nemi Amurka ta shiga sabon yakin da ta ƙaddamar kan Iran, kamar yadda rahoton Axios ya bayyana.
Rahoton ya ce, bisa ga majiyoyin Amurka da Isra'ila, Isra'ila ba ta da isasshen karfi don lalata wurin da ake tace sinadarin uranium a Fordow, wanda aka binne shi a ƙarƙashin tsauni mai zurfi, don haka tana buƙatar taimakon Amurka don kai harin da zai iya tasiri a wurin.
Wani jami'in Amurka, kamar yadda Axios ya ruwaito, ya tabbatar da cewa Isra'ila ta nemi Washington ta shiga wannan yaƙin, amma ya ce a halin yanzu gwamnatin Amurka ba ta amince da hakan ba.
Rahoton ya ƙara da cewa, bisa ga wata majiya daga Isra'ila, Shugaban Amurka Donald Trump ya nuna yiwuwar shiga yaƙin idan ya zama dole yayin wata tattaunawa da Firaministan Isra'ila Benjamin Netanyahu kwanan nan.
Sai dai, wani jami'in Fadar White House ya musanta wannan ikirarin a ranar Juma'a.
Washington ta sha nanata cewa Isra'ila tana ɗaukar matakan sojanta kan Iran ba tare da haɗin gwiwar Amurka ba.
