Fiye da rabin wadanda suka amsa tambayoyin da aka yi musu yayin wani bincike da aka gudanar a cikin kasashe 20 suna da ra'ayi mara kyau game da Isra'ila da rashin amincewa da Netanyahu a matsayin shugaban kasar, kamar yadda sakamakon binciken na Cibiyar Bincike ta Pew da aka wallafa a ranar 3 ga Yuni ga nuna.

Dangane da Binciken Halayen Al’ummar Duniya na bazara na 2025 na Cibiyar, aƙalla kashi 60 kuma har zuwa kashi 78 na manya a ƙasashe da yawa, da suka haɗa da Kanada, Koriya ta Kudu, Mexico, Birtaniya, Spain, Faransa, Jamus, Poland, Italiya, Girka, Sweden, da Netherlands, sun bayyana ra’ayi na rashin jin dadi game da Isra'ila.

Daga cikin kasashe 24 da aka tantance gaba daya, ƙyama ga Isra'ila ta yi ƙarfi musamman a kasashe irin su Australia, Japan, Indonesia, da Turkiyya, inda kusan kashi uku cikin hudu ko fiye ke bayyana ra'ayi mara kyau.

Kusan rabin waɗanda suka amsa tambayoyin bincike a Amurka sun ba da rahoton cewa suna da ra'ayi mara kyau game da Isra'ila da Netanyahu.

Har ila yau binciken ya gano cewa, a cikin 2024 da 2025, kashi 58 cikin 100 na al'ummar Isra'ila sun bayar da rahoton cewa Isra'ila ba ƙasa ce da ake mutuntawa a duniya ba.