SPORT
3 MINUTA LEXIMI
Tifozët shqiptarë dhe ata kroatë krah për krah në Hamburg
Tifozët shqiptarë dhe ata kroatë iu drejtuan së bashku dyerve të stadiumit, ndërsa atmosfera është elektrizuese, pavarësisht se skuadrat vijnë në përballje me humbjen e ndeshjeve të para.
Tifozët shqiptarë dhe ata kroatë krah për krah në Hamburg
Tifozët shqiptarë dhe ata kroatë krah për krah në Hamburg.     /FOTO: HINA
19 Qershor 2024

Tifozët shqiptarë dhe ata kroatë iu drejtuan së bashku dyerve të stadiumit, ndërsa atmosfera është elektrizuese, pavarësisht se skuadrat vijnë në përballje me humbjen e ndeshjeve të para.

Shqipëria dhe Kroacia do të përballen sot në orën 15:00 në “Volksparkstadion” të Hamburgut, në një ndeshje të rëndësishme të vlefshme për Grupin B të EURO 2024.

Pasi 50 mijë shqiptarë ndoqën sfidën mes Shqipërisë dhe Italisë në stadiumin “Signal Iduna Park” të Dortmundit dhe mijëra të tjerë e ndoqën në ndeshjen në ekranet gjigande zonat e simpatizuesve jashtë stadiumit dhe në qendër të qytetit, sot priten po aq tifozë kuq e zi në Hamburg.

Tifozët shqiptarë dhe ata kroatë iu drejtuan së bashku dyerve të stadiumit, ndërsa atmosfera është elektrizuese, pavarësisht se skuadrat vijnë në përballje me humbjen e ndeshjeve të para.

Mijëra shqiptarë ndodhen në Hamburg duke e “pushtuar” me ngjyrat kuqezi qytetin verior gjerman.

Mijëra tifozë të veshur kuq e zi me ngjyrat e flamurit kombëtar ia kanë marrë valles me veshje popullore në rrugët e qyteti gjerman.

Njëjtë si në sfidën e parë ndaj Italisë në stadiumin e Dortmundit edhe në “Volksparkstadion” të Hamburgut dyert për tifozët do të hapen 3 orë para fillimit të ndeshjes.

Të gjithë tifozët që do të ndjekin ndeshjen nga stadiumi duhet të respektojnë rregullat e përcaktuara nga UEFA. Për të shmangur çdo lloj problem dhe penalizimi të gjithë tifozët duhet të shmangin ndezjen e flakadanëve gjatë ndeshjes, hedhjen e sendeve në fushë, transmetimin e mesazheve me natyrë jo sportive (politike, etnike etj.) si edhe ndërprerjen e ndeshjes.

Ata që nuk kanë bileta mund të shijojnë ndeshjen në Fan Zone Heiligengeistfeld që gjendet në zonën e St. Pauli dhe në Public Viewing Heiligengeistfeld.

Kjo është përballja e dytë e Shqipërisë në Euro 2024 dhe e para në histori ndaj Kroacisë.

BURIMI:TRT Balkan / agjencitë
Hidhini një sy TRT Global. Ndani komentet tuaja!
Contact us