Nisi sot viti i ri shkollor në gjithë Shqipërinë për 350 mijë nxënës, nga të cilët 28 mijë ulen për herë të parë në bankat e shkollës.

Ky vit shkollor, sipas të dhënave nga ministria e Arsimit dhe e Sportit vjen plot me risi dhe investime të rëndësishme.

Kështu, janë shpërndarë tekste falas për 238 mijë nxënës, ndërsa viti i ri shkollor do të nisë me 25 shkolla të reja dhe më shumë se 216 laboratorë smart dhe terrene të reja sportive.

Në të gjitha shkollat siç njoftojnë autoritet është kryer shpërndarja e librave falas. Shpërndarja e librave falas është një nismë e qeverisë dhe ministrisë së Arsimit dhe e Sportit për t’u ardhur në ndihmë familjeve shqiptare, duke e bërë shkollën jo vetëm gjithëpërfshirëse, por edhe ndihmuese.

Nxënësit, të cilët u përkasin kategorive të veçanta, do të përfitojnë libra falas për këtë vit shkollor.