RAJONI
2 MINUTA LEXIMI
Osmani priti në takim lamtumirës komandantin e KFOR-it, Özkan Ulutaş
Siç njofton Zyra e Presidentes, Osmani gjatë takimit shprehu mirënjohjen e saj për përkushtimin e gjeneralit Ulutaş në funksion të paqes dhe sigurisë për të gjithë qytetarët e Kosovës.
Osmani priti në takim lamtumirës komandantin e KFOR-it, Özkan Ulutaş
Osmani priti në takim lamtumirës komandantin e KFOR-it, Özkan Ulutaş / Photo: AA
11 Tetor 2024

Presidentja e Kosovës, Vjosa Osmani, ka zhvilluar një takim lamtumirës me komandantin e Misionit të NATO-s në Kosovë (KFOR), gjeneralmajor Özkan Ulutaş.

Siç njofton Zyra e Presidentes, Osmani gjatë takimit shprehu mirënjohjen e saj për përkushtimin e gjeneralit Ulutaş në funksion të paqes dhe sigurisë për të gjithë qytetarët e Kosovës.

Osmani vlerësoi kontributin e vazhdueshëm të KFOR-it për paqen dhe stabilitetin në Kosovë, duke theksuar se prania e këtij misioni është kyç për paqe dhe stabilitet.

Më tej, presidentja Osmani rikonfirmoi përkushtimin e Kosovës për bashkëpunim të ngushtë me KFOR-in dhe falënderoi gjeneralin Ulutaş për kontributin e deritashëm, duke i uruar suksese në angazhimet e mëtejme.

Gjatë ditës së nesërme, në shtabin e KFOR-it në Prishtinë mbahet ceremonia e ndërrimit të Komandantit të KFOR-it. Komandanti i ri i KFOR-it për një mandat njëvjeçarë do të jetë Enrico Barduani nga forcat italiane të NATO-s.

BURIMI:AA
Hidhini një sy TRT Global. Ndani komentet tuaja!
Contact us