Futbollisti i Kosovës Edon Zhegrova tashmë ka arritur në Torino për të përfunduar vlerësimet mjekësore dhe për të nënshkruar kontratën afatgjatë me skuadrën e mirënjohur italiane, Juventus.

Skuadra bardh e zi nga Torino ka paguar 20 milionë euro për shërbimet e lojtarit 26-vjeçar, i cili sezonin e kaluar luajti për Lille në Francë, duke shënuar katër gola dhe një asist në 12 ndeshje.

Pavarësisht se mungoi në pjesën më të madhe të sezonit 2024/25 për shkak të një dëmtimi, Juventus beson fuqishëm në teknikën e jashtëzakonshme dhe shpejtësinë marramendëse të Zhegrovës në fushë.