Ushtria izraelite bastisi qytetin Tulkarm në pjesën veriore të Bregut Perëndimor të pushtuar, duke arrestuar dhjetëra palestinezë pas një shpërthimi të enjten.
Forcat izraelite përdorën një metodë që e quajnë "treni" për të transportuar një numër të madh palestinezësh në grupe të vetme në qendrat e paraburgimit.
Ushtria gjithashtu patrulloi në qytetin Tulkarm duke kontrolluar automjetet që kalonin nga rrugët.
Që nga fillimi i luftës gjenocidale të Izraelit në Rripin e Gazës në tetor 2023, të paktën 1.020 palestinezë janë vrarë dhe më shumë se 7.000 janë plagosur në Bregun Perëndimor të pushtuar nga forcat izraelite dhe kolonët e paligjshëm, sipas Ministrisë palestineze të Shëndetësisë.
Në një vendim historik korrikun e kaluar, Gjykata Ndërkombëtare e Drejtësisë e shpalli të paligjshëm pushtimin e territorit palestinez nga Izraeli. Ajo kërkoi evakuimin e të gjitha vendbanimeve në Bregun Perëndimor dhe Kudsin Lindor.
