Diogo Jota, futbollisti 28-vjeçar portugez i klubit të Premierligës Angleze, Liverpool, ka ndërruar jetë në një aksident trafiku.

Sipas gazetës spanjolle Marca, sulmuesi portugez ka ndërruar jetë së bashku me vëllain e tij Andre Silva, i cili është gjithashtu futbollist, në një aksident trafiku që ka ndodhur në qytetin e Zamorës në Spanjë.

Jota, i cili u martua dy javë më parë, dhe vëllai i tij 26-vjeçar Andre Silva, i cili luan për ekipin portugez të Ligës së Dytë Penafiel, kanë humbur jetën kur makina me të cilën po udhëtonin ka dalë nga rruga dhe është përfshirë nga flakët.

Jota e përshkroi veten si "njeriu më me fat në botë" në një intervistë të publikuar dje pas martesës së tij me Rute Cardoso, nënën e tre fëmijëve të tij.