RAJONI
2 MINUTA LEXIMI
Kurti: Vazhdojnë sulmet, grupe profesioniste të sponsorizuara nga Serbia
Kryeministri i Kosovës tha se bëhet fjalë për 30 persona, grup i armatosur profesionist që po vazhdojnë të shtënat ndaj Policisë së Kosovës
Kurti: Vazhdojnë sulmet, grupe profesioniste të sponsorizuara nga Serbia
Kurti: Vazhdojnë sulmet, grupe profesioniste të sponsorizuara nga Serbia / Photo: AA
24 Shtator 2023

Kryeministri i Kosovës, Albin Kurti, njoftoi se sulmi ndaj Policisë së Kosovës në veri të vendit po vazhdon akoma.

Në daljen e parë para mediave pas vrasjes së një polici të Kosovës dhe plagosjes të një tjetri mëngjesin e sotëm në veri të vendit, kryeministri Kurti tha se bëhet fjalë për formacion të organizuar dhe të armatosur rëndë.

“Sulmet e grupeve të armatosura me armë nga të gjitha llojet po vazhdojnë akoma. Ne e dënojmë këtë sulm terrorist dhe iu bëjmë thirrje që të dorëzohen”, tha Kurti.

Ai theksoi se mbi 30 terroristë janë të rrethuar nga Policia e Kosovës.

“Së paku 30 persona të armatosur rëndë, profesionistë, ushtarakë a policë, nën rrethimin e policisë sonë”, theksoi kryeministri i Kosovës.

Kurti publikoi edhe disa fotografi që tregon se sulmuesit janë të armatosur rëndë, të pajisuar dhe të organizuar. Fotografitë dëshmojnë sipas tij se nuk bëhet fjalë për civilë e qytetarë, por për grup të organizuar që “ka ardhur të bëjë luftë në Kosovë”.

BURIMI:AA
Hidhini një sy TRT Global. Ndani komentet tuaja!
Contact us