Xafiiska RW ayaa sheegay in Netanyahu uu nasan doono muddo saddex maalmood ah isagoo jooga gurigiisa, taasoo micnaheedu yahay inuusan ka qeyb geli doonin fadhiga maxkamadda musuqmaasuqa ee loo ballansan yahay 21-ka Luulyo.

Netanyahu, oo ah hoggaamiyihii ugu horreeyay ee Israa’iil ee maxkamad la soo taago isagoo xilka haya, ayaa sidoo kale wajahaya amar soo xirid ah oo kasoo baxay Maxkamadda Dambiyada Caalamiga ah (ICC) eedeymo la xiriira dambiyo dagaal oo ka dhacay Qaza, halkaas oo tan iyo bishii Oktoobar 2023 lagu dilay ku dhowaad 59,000 oo qof oo u badan haween iyo caruur.