Koox arday ah oo ka tirsan Jaamacadda Yale, iyo bannaanbaxayaal taageersan Falastiin oo fadhigoodu yahay Connecticut ayaa xannibay kolonyo gaadiid ah oo ku sii jeeday naadiga yuhuudda ee Shabtai Society ee Jaamacadda Yale, halkaas oo uu Itamar Ben-Gvir u qorsheysnaa inuu khudbad ka jeediyo 23-kii Abriil.

Ben-Gvir, oo ah Wasiirka Amniga Gudaha ee midigta fog ee Israa’iil, ayaa loo arkaa inuu yahay maskaxda ka dambeysa xasuuqa Israa’iil ay ku hayso shacabka Falastiiniyiinta ee reer Qaza.

Bannaanbaxayaasha ayaa sheegay inay sii joogayaan dibedda dhismaha ilaa ay munaasabadda ka soo idlaanayso.