BOTA
2 MINUTA LEXIMI
Francë, vandalët shkatërrojnë një xhami që pritej të hapte dyert në Ramazan
Kryebashkiaku i Wattignies, Alain Pluss, tha se besonte se sulmi ishte një akt islamofobik.
Francë, vandalët shkatërrojnë një xhami që pritej të hapte dyert në Ramazan
Francë, vandalët shkatërrojnë një xhami që pritej të hapte dyert në Ramazan.    /Foto: Association Al Amal
20 Mars 2023

Xhamia e cila ishte përgatitur të hapte dyert për lutje gjatë këtij Ramazani në qytetin Wattignies, në veri të Francës, është dëmtuar ndjeshëm nga persona të panjohur.

Xhamia, e cila u ndërtua në kuadër të Fondacionit "El Emel", u sulmua gjatë fundjavës nga një person ose grup personash të paidentifikuar, njoftuan mediat kombëtare.

Si pasojë e sulmit, ambientet e brendshme të xhamisë, përfshirë tavanet, janë bërë të papërdorshme dhe shihet se autorët kanë prerë më parë kabllot elektrike në objekt për të pamundësuar aktivizimin e alarmit dhe kamerave.

Megjithatë, në këtë xhami, e cila po përgatitej të hapte dyert për falje gjatë Ramazanit, nuk u vodh asgjë, si dhe kanë nisur hetimet për sulmin.

Kryebashkiaku i Wattignies, Alain Pluss, tha se besonte se sulmi ishte një akt islamofobik.

“Dënoj fuqishëm këtë vandalizëm islamofobik në Wattignies që ka kaluar kufijtë e tolerancës”, shkroi në Twitter deputeti francez David Guiraud.

Përfaqësuesit e Fondacionit gjithashtu deklaruan se mënyra se si është kryer sulmi tregon se ai ishte i planifikuar.

BURIMI:TRT Balkan / agjencitë
Hidhini një sy TRT Global. Ndani komentet tuaja!
Contact us