Rais William Ruto amesema mfumo wa elimu nchini utafanyiwa mabadiliko mara moja.
Hii inafuatia uzinduzi wa ripoti ya utafiti katika sekta ya elimu, jumanne, iliyotoa mapendekezo tofauti ya kuboresha sekta ya elimu.
"Elimu ni msingi wa maendeleo ya mtaji wetu, " Rais William Ruto alisema akipokea ripoti hiyo, " ndiyo maana serikali inawekeza kwa makusudi katika elimu bora,"
Je , mabadiliko gani yamewekwa katika elimu?
Maeneo ya mafunzo yatapunguzwa ili kuwapunguzia wanafunzi mrundiko wa kazi nyingi shuleni
Mafunzo ya mazingira na hatua za mabadiliko ya tabianchi kufanywa katika taasisi zote za mafunzo
Kutakuwa na miezi mitatu ya huduma kwa jamii kwa wahitimu wa shule ya sekondari kabla ya kujiunga na vyuo vya elimu ya juu
Baadaye watafanya miezi 9 zaidi ya huduma ya lazima ya jamii baada ya kumaliza elimu ya juu. Watapewa cheti cha kumaliza huduma ya jamii kama uthibitisho kabla ya kuingia katika soko la ajira
Kenya inaanzisha operesheni ya chuo kikuu kipya kinachoitwa Open University of Kenya ambacho kitatoa masomo kupitia mitandaoni. Wanafunzi wa kwanza watatarajiwa kuingia katika chuo mwezi Septemba 2023. Hii inatarajiwa kufanya gharama ya elimu kwa chuo kikuu iwe ya bei nafuu zaidi na kuwa rahisi kupatikana
Taasisi za mafunzo ya kiufundi zitaunganishwa na viwanda husika
