Masana kimiyya sun samu hoton fashewar wasu taurari a karon farko a sararin kaunu, ta hanyar amfani da babbar na'urar hangen nesa ta European Southern Observatory da ke Chile.

Fashewar tauraro, wanda ake kira supernova, wani babban lamari ne mai matukar ƙarfi.

Yawanci, hakan na faruwa ne sakamakon ƙarewar makamashin nukiliyar tauraro mai nauyi fiye da sau takwas na nauyin rana, sannan ya fashe, lamarin da ke haifar da fashewa mai ƙarfi guda ɗaya.

Amma wani nau'in fashewar taurarin mai wuya ta shafi wani tauraron daban, wanda ake kira white dwarf (farin ƙaramintauraro), lamarin da ya samar da fashewa biyu a jere.

Wannan fashewar biyu ta lalata wani white dwarf ɗin mai nauyin kusan daidai da na rana, wanda ke nisan kimanin shekarun haske 160,000 daga Duniyar Earth a cikin cincinrindon taurarin Dorado, a wani birnin tarurari wato galaxy da ke kusa da Milky Way mai suna Large Magellanic Cloud.

Shekarar haske ita ce nisan da haske ke tafiya a cikin shekara guda.

Hoton ya nuna wurin fashewar kimanin shekaru 300 bayan faruwar lamarin, tare da harsashi biyu na sinadarin calcium suna motsawa waje.

‘Babu abin da ya rage’

"Babu abin da ya rage. White dwarf din ya lalace gaba daya," in ji Priyam Das, dalibin digiri na uku a fannin astrofiziks a Jami'ar New South Wales Canberra a Ostareliya, wanda shi ne babban marubucin binciken da aka wallafa a ranar Laraba a Mujallar Nature Astronomy.

"Lokacin da ke tsakanin fashewar biyu yana daidai da lokacin da ake bukata don fashewar helium da zagayawarsa daga wani bangare na tauraron zuwa dayan.

“Wannan yana ɗaukar kusan daƙiƙa biyu kawai," in ji Lvo Seitenzahl, masanin astrofiziks kuma marubucin binciken, kuma masanin kimiyya a Jami'ar Australian National University a Canberra.

Masu binciken sun yi amfani da na'urar MUSE ta babbar na'urar hangen nesa don tantance sinadarai daban-daban da suka samu a bayan fashewar supernova.

Tantance sindarai

Calcium ya bayyana a cikin hoton da launin shuɗi – wani zobe na waje wanda fashewar farko ta haifar da shi da kuma wani zobe na ciki wanda fashewar ta biyu ta haifar.

Wadannan sinadarai biyu na calcium suna nuna "tabbacin gaskiya na tsarin fashewar biyu," in ji Das.

Baya ga muhimmancin kimiyya, hoton yana da darajar kyan gani.

"Yana da kyau," in ji Seitenzahl. "Muna ganin yadda sinadarai ke samuwa a lokacin mutuwar tauraro."

"Babbar fashewar farko ta samar da sinadaran hydrogen da helium da lithium ne kawai. A nan muna ganin yadda ake samar da calcium, sulphur ko iron sannan suke watsar da su zuwa cikin galaxy mai masaukinsu, wata zagayowar sinadarai ta sararin samaniya," ya kara da cewa.