Di case wey di US Securities and Exchange Commission (SEC) carry go court talk say "di accused, Elon Musk, no quick tell SEC say im don buy more than 5% of Twitter shares wey dem dey trade for market since March 2022. Dis one na violation of di federal securities law."

Dem talk say dis violation "allow am buy di shares for price wey no high artificially." Dem explain say dis thing help Musk "dodge to pay at least $150 million for di shares wey im buy after di deadline to declare im beneficial ownership" for Twitter, di company wey im later change di name to "X."

SEC don file case against Musk for October 2024 to force am make im testify for di investigation wey dem dey do about how im take buy Twitter.

Di American billionaire no show for di questioning session even though dem don shift di date many times. But im lawyer, Alex Spiro, talk say dem don collect im testimony "plenty times for dis investigation wey e call misleading."

For April 25, 2022, Twitter board agree to Elon Musk offer to buy di platform for $44 billion. After im buy di platform, Musk change di company name to "X Corp" for April 2023.