Madaxweynaha Mareykanka, Donald Trump ayaa ka dhawaajiyay in shirkadda Microsoft ay ku jirto wadahadallo ay ku iibsanayso Tiktok,xili mustaqbalka aaladdan ay ku jirto hubanti la’aan.
Mar wax laga weydiiyay Isniinta in Microsoft ay wado wadahadallo ay ku iibsanayso TikTok, ayuu Trump wariyeyaasha u sheegay: "Waxaan dhihi lahaa haa."
"Waxaa jira hamuun iyo xiiso weyn oo TikTok loo qabo," ayuu hadalkiisa ku daray isagoo saarnaa diyaaradda Air Force One.
Wuxuu sidoo kale tilmaamay in hardanga xaraashka TikTok uu noqon karo hormar wanaagsan.
Sharci mamnuucaya TikTok ayaa dhaqan galay 19-kii Janaayo, iyadoo loo cuskaday cabsi laga in dowladda Shiinaha ay u adeegsan karto barnaamijka in ay ku basaasto Mareykanka ama si qarsoodi u fara geliso ra’yiga shacabka Maraykanka.
Laakin Trump ayaa hakiyay dhaqangelinta sharcigan muddo laba bilood iyo bar ah, isaga oo raadinaya xal wadahadal ah oo lala yeesho Beijing.
'Heshiis Gaara'
Angelo Zino oo ka tirsan machadka CFRA Research ayaa sheegay in Microsoft ay ka mid tahay shirkadaha ugu macquulsan ee doonaya inay iibsadaan TikTok.
Waxa uu rumeysan yahay in Microsoft "ay dooneyso inay si qoto dheer ugu lug yeelato suuqa xayeysiinta dhijitaalka ah."
TikTok ayaa si ku-meel-gaar ah u xanibtay adeegyadeeda gudaha Mareykanka markii ay soo dhowaatay muddadii kama dambaysta ahayd ee sharciga.
Trump ayaa ballan qaaday inuu saxiixi doono amar fulineed si uu dib u dhigo mamnuucidda, taasoo fursad u siinaysa in "heshiis la gaaro."
TikTok ayaa dib usoo celisay adeegyadeedii gudaha Mareykanka, iyada oo Trump ku ammaantay dib u dhigista mamnuucidda — inkasta oo xukuumaddii hore ee Madaxweyne Biden ay horey u sheegtay inaysan fulin doonin wax mamnuucid ah.
